साहित्य दर्पण (सफलता र असफलता )

 १२ चैत्र २०६७, शनिबार ०४:०७   | न्यूज अफ टोखा

२०६७चैत १२ -आज शनिवारको साहित्य दर्पणमा हामी शाले शेरचनको कविताको साथमा आएका छौँ ।
सफलता र असफलता 
हरेक विहान म 
मसानघाटमा जान्छु
अनि चिर निन्द्रामा परेको मानिसलाई 
विउझाउन खोज्छु । 
अरु, विहान 
मन्दिरमा जान्छन् ।
तर म 

मसानघाटमा जान्छु ।
अरु मन्दिरमा
देवतालाई जगाउन खोज्दछन् ।
तर म मसानघाटमा
मरेको मानिसलाई 
उठाउन खोज्दछु ।
आमा !
“न जा छोरा” भन्नुहुन्छ ।
बाबा !
“त्यसो नगर छोरा” भन्नुहुन्छ ।
तर अनायास मेरा पाइला सधै
एउटा आशा लिएर
हरेक विहान मसानघाटमा जान्छ ।
म लाश अगाडी 
जीउदो लाश सरी उभिन्छु ।
त्यो लाश उठ्छ कि भन्ने पर्खाइमा 
बकुल्ला सरी वर्षौ पर्खन्छु ।
तर त्यो लाश कहिल्यै उठेन
यसरी हरेक विहान म 
मसानघाटमा जान्छु ।
लाशलाई उठाउन खोज्छु ।
नउठेको देखेर
म निराश हुन्छु
अनि, आफ्नो चिहानमा
आफ्नै चितालाई 
आफैले जलाउँछु ।
अनि 
आफ्नै अस्तु आफै बोकी 
हरेक विहान घर फर्कन्छु ।
अनि तपाईलाई थाहा छ 
आफ्नो किर्या आफै बस्छु ।
अनि 
आफ्नो किर्या आफै बस्छु । 
– ‘शाले’ शेरचन
         नेशनल कलेज
यहाँहरु संग पनि यस्तै कुनै पनि साहित्यिक रचनाहरु भएमा हामीलाई मेल गरी पठाउन नभुल्नु होला । 
email :newsof tokha@gmail.com
Facebook Comments

अन्तिम अपडेट: १२ चैत्र २०६७, शनिबार ०४:०७

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया