सिनाच्वंपिनि दथुइ म्वानाच्वन छ

 १६ माघ २०६८, सोमबार १०:३२   | न्यूज अफ टोखा



जि अझं आन्दोलनय् तिनि


छाय् धाःसा थन आन्दोलन सिमधःनि
छंगु हिया हिसावकिताव सिमधःनि

छंगु सः उबले हृयाउँ हृयाउँ धाःगु खः
छंगु जः उबले हृयाउँ हृयाउँ धाःगु खः
गुबले थ्व समाज रंगहिन जुयाच्वन
मनूतयके देयप्रति माया लुइगु
उबले अंगहिन जुयाच्वन ।
सः नं छुकिया दवावय् खः
दुने दुने हे सुनाच्वन ।

छ वल
समाजय् रंग वल
मनूतयके ढंग वल
देययात मतिना यायेगु
शरीरय् अंग लुल

उकिंला जुइ
मनूतयगु सलय् 
हस्ते लुल अले हैसे लुल 
शताब्दिं निसें बुंगद्यःयात
सालेफुगु थुगु बलं
सालाहल सुरद्यःयात 
मिखां खन जिमिसं 
व त्वःगु जलं
तर…
छ छप्वाः मत
सुरद्यःजुइफुगु मत
च….च….
छ सित
जः छं स्वयेमखन
छ बिनावनेवं 
गथे खः जः नं बुलुयाच्वन
न्ह्यां वनेगु लँ नं चुलुयाच्वन
तर नं 
थौं नं
छंगु म्हगसया नामय्
न्ह्यां वनेगु कुतः जुयाच्वन
थ्यंकेगु गन मस्यु
कनेत छ मदयेधुंकाः
छं नुगलय् स्वथनावंगु
खं मगात ला मस्यु
गन्तब्यहीन यात्रा
थौं नं न्ह्यानाच्वन
छ म्वानाच्वन….
तर छंत म्वाकातःपिं 
छं हे क्यंगु लँय् 
थीथी रंगया ध्वाँय् ज्वनाः
म्हुतु वानाच्वन
ल्वानाच्वन 
अले सिनाच्वन…… ।

-सुरज वीर बज्रचार्य
प्रकाशित मिति-२०६८ माघ १६ गते
Facebook Comments

अन्तिम अपडेट: १६ माघ २०६८, सोमबार १०:३२

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया