संचार व षडयन्त्र

 १३ जेष्ठ २०६९, शनिबार ०५:२०   | न्यूज अफ टोखा

आदिवासी जनजातिया ग्वसालय् वंगु जेष्ठ ७, ८ व ९ गते जूगु स्वन्हुया नेपाल बन्दया झ्वलय् सञ्चारकर्मीपिन्त आक्रमण व सञ्चार उपकरण तोडफोड जूगु खँ तच्वकं बयबय् जुल । पहिचान सहितया राज्य पलिस्था जुइमा धैगु माग तयाः याःगु उगु आन्दोलनय् सलंसः दँ न्ह्यवनिसें उत्पीडनय् लानाच्वंपि÷लाकातःपिं आदिवासी जनजातितय्गु भावना व सञ्चार माध्यमय् प्वंकूगु असन्तुष्टिया दथुइ जनता अलमल जुगु खनेदु । राज्यसत्ताया बलं सदियौं दँ न्ह्यवनिसें खस ब्राम्हणबादं आदिवासी जनजातियात क्वत्यला तःगु हे खः । थ्व यथार्थयात खस ब्राम्हणबादं थौंया दिनय् स्वीकार मयासें मगाः ।

तर आदिवासी जनजातिया छखेलानाच्वंगु जातीय पहिचान व अधिकार बीत थुपिं तयार जुयाच्वंगु अवस्था मदु । पहिचान सहितया संघीय राज्य ब्यवस्थाय् खस ब्राम्हणपिनिगु भविष्य लिकुनीगु निश्चित खः । छगू भाषा, छगू संस्कृतिं क्वत्यलाच्वंपिनिगु थ्व संस्कार हिलेमालीगु व अधिकार सकल नेपाःमिपिन्त इनेमालीगु हुनिं आदिवासी जनजातिया मागयात फयांफक्वः ल्यूने लाकेगुया कुतः जुयाच्वंगु खःसा तथ्यांकयात लिधंसा कायेबलय् वास्तविक संघीय राज्य दुने थःपिनिगु अवस्था शासकया रुपय च्वने मदैगु या चित्रण खने धुंकुपिंस बा्रह्मणपिन्सं थ्व हे कारणं अनेतनेया षडयन्त्र यानाच्वंगु खः । थ्व हे षडयन्त्रया लिपांगु उदाहरण धैगु स्वन्हु यंकं जूगु बन्दय् सञ्चार माध्यमं न्ह्यब्वःगु थःगु चरित्रं प्रस्ट जू । संचार गृह दुने छगू भाषा, छगू संस्कृतिया आधिपत्यया संस्कृतिइ ब्वलंपिनिगु बाहुल्यताया हुनिं सूचना व अभिब्यक्ति स्वतन्त्रतायात गलत ढंगं छ्यःगु प्रमाण आपालं लूगु नं दु । पहिचान सहितया राज्य माग याःपिं आन्दोलनकारी व सञ्चार माध्यम नं थवं थवय् प्रस्ट जू । तर आन्दोलनया भ्mवलय संचारकर्मीपिन्सं अथे धैगु राष्ट्रया चौंथो अंगया दर्जा दुपिं सञ्चारकर्मीं गाक्वः हे असक्षमता पिब्वल । पत्रकार धायेवं हे आन्दोलनकारीतय्सं स्वांसिन्हः तिका खादा क्वखायेकाः लसकुस यायेमाःगु ला खइमखु । सवारी साधनय् पत्रकारया स्टिकर तिकाः घुसपैठ जुइगु अवस्था थजाःगु जुइ धाये थाकुइ । आन्दोलनया झ्वलय् कयागु रिपोर्ट गुकियात सम्प्रेशण यायेबलय् आन्दोलन व देय्यात सही रुपं मार्गनिर्देशन जुइ की मजुइ धैगु सामान्यबोध छम्ह पत्रकारयाके दये हे माः । संक्रमणकालय् गलत सूचना प्रवाह यातकि उकिया परिणाम छु तकजुइफु धैगु खँया ज्ञान छम्ह सञ्चारकर्मी सिइके हे माः । तर नेपाया अप्वः धथैं सञ्चारपाखें न्ह्यब्वयावःगु समाचार सम्पशे्र न दवु लबे लय् आदिवासी जनजातिप्रति यानाः वयाच्वंगु षडयन्त्रया गन्ध तायेदु अले मेता खँ सञ्चारकर्मीपिं पत्रकारीताया धर्म विपरित जिम्मेवार पत्रकारया दायित्वं विमुख जुया ज्या यानाच्वंगु अवस्था खः । अथे जुया अदृश्य शक्ति केन्द्रपाखें संचारगृहत सञ्चालित मखु धकाः धायेमछिं सा रहरया लिधंसाय्, पहुंचया लिधंसाय् पत्रकारीताया सामान्य ज्ञान तकं मदय्क निर्वाध रुपं ज्या यायेगु अवसर बियातःगु कारणं हे अतिकं संगीन अवस्थाय् न अस्वस्थ, एक पक्षीय व गलत संचार जुयाच्वंगु खः ।
-नेवाः सः

Facebook Comments

अन्तिम अपडेट: १३ जेष्ठ २०६९, शनिबार ०५:२०

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया