चैतपछिको अवस्थाको जिम्मा सबैले लिनुपर्छः अर्थमन्त्री

 २७ जेष्ठ २०७७, मंगलवार १८:०३   | न्यूज अफ टोखा

काठमाडौं । अर्थमन्त्री डा युवराज खतिवडाले कोरोनाभाइरसका कारण सिर्जित चैतपछिको  अवस्थाको सबैले जिम्मा लिनुपर्ने बताएका छन् । 

मंगलबार अर्थ मन्त्रालयको विनियोजन विधेयकमाथि छलफलमा उठेका प्रश्नको जवाफ दिँदै खतिवडाले फागुनसम्म खर्चले पिकअप लिएको र चैतपछि फरक परिस्थितति सृजना भएको बताए । 

आर्थिक वृद्धि नगरी राजस्व बढाउन नसकिने भन्दै उनले भने, ‘राजस्वमा एक तहमा वृद्धि हुँदै गएपनि दायरा बढाउँने ठाउँ हुँदैन रहेछ । आर्थिक वृद्धि नगरी राजस्व बढाउन नसकिने रहेछ ।’ 

सरकारले अहिले पनि देशको अवस्थालाई लिएर राष्ट्र बैंक तथा अर्थमन्त्रालय मार्फत अर्थबुलेटिन र वर्तमान आर्थिक अवस्था प्रकाशन गरिरहेको उनले बताए । 

यसैगरी विद्युतीय सवारीमा अन्य देशले पनि सरकार बढाउने गरेको भन्दै आफ्नो बचाउ गरे । 

उनले एमसीसी संसदले अनुमोदन नगरुन्जेल सोसम्बन्धी वैदेशिक सहायता परिचालन नगर्ने पनि बताए । 

‘एमसीसीको रकम सडक र जलविद्युतमा परिचालन गरिने भनिएको थियो तर अनुमोदन नभएसम्म यसमा सरकार आफैले गर्छ’, उनले भने । एमसीसीको सम्झौतापत्र संसदमा विचाराधीन अवस्थामा रहेको र अहिले नै यसलाई तोडेर  अन्तर्राष्ट्रिय सम्बन्ध विगार्न नचाहेको पनि उनले बताए । 

Facebook Comments

अन्तिम अपडेट: २७ जेष्ठ २०७७, मंगलवार १८:०३

न्यूज अफ टोखा

तपाईको प्रतिक्रिया

सम्बन्धित समाचार

​नगरपालिका र गाउँपालिकाले वैदेशिक रोजगारसँग सम्बन्धित गर्ने काम

  १२ फाल्गुन २०७७, बुधबार १५:५९

​टोखा युवा बहुउद्देश्यीय सहकारीको प्रारम्भिक साधारण सभा सम्पन्न

  १ फाल्गुन २०७७, शनिबार १८:४९

​मिर्मिरे भवन समुद्घाटन सम्पन्न

  २३ मंसिर २०७७, मंगलवार १८:३९

समाचार