टोखा शिवपुरी सहकारीले सदस्यहरुलाई व्याज, हर्जना तथा समयावधिमा सहुलियत दिने

 २९ जेष्ठ २०७७, बिहीबार १०:४२   | न्यूज अफ टोखा

न्यूज अफ टोखा, २९ जेठ २०७७, काठमाडौं । टोखा नगरपालिका- ३ मूःध्वाखामा अवस्थित टोखा शिवपुरी बचत तथा ऋण सहकारी संस्था लिमिटेडले सदस्यहरुलाई व्याज,  हर्जना तथा समयावधिमा सहुलियत दिनेभएको छ ।

कोरोना भाईरस (कोभिड-१९) महामारीका कारण सदस्यहरुमा पर्न गएको विपतलाई मध्यनजर गरी सो अवधिको कर्जाहरुमा पाकेको व्याज,  हर्जना व्याज तथा समयावधिमा सहुलियतको व्यवस्था गरिएको सहकारी संस्थाले जनाएको छ ।

२०७६ चैत्र ११ गते देखि लकडाउन अन्त्य भएको ३० दिन भित्र व्याज बुझाउने सदस्यहरुलाई लकडाउन अवधिको व्याजमा १० प्रतिशत सहुलियत दिनेछ ।

लकडाउन अघि नियमित नभएका कर्जाहरुको हर्जना यथावत गर्ने । तर लकडाउन अवधिको समयका लागि हर्जना गणना नगरी असुलउपर गर्ने र लकडाउन अवधि समाप्त भएको ३० दिनभित्र पनि कर्जा चुक्ता गर्न नआएमा सो अवधिको समेत हर्जना लाग्नेछ ।

लकडाउन सुरु भएको अवधि देखि लकडाउनको कारण नियमित हुन नसकेका कर्जाहरुलाई खराव कर्जामा वर्गीकरण नगरी हर्जना समेत समावेश गरिने छैन ।

लकडाउन अवधि पश्चात समयावधि समाप्त भई कर्जा चुक्ता गर्नु पर्ने वा सो अवधिमा किस्ता भुक्तानी गर्नुपर्ने सदस्य संस्थाहरुको हकमा सो कर्जालाई नियमित कर्जा सरह मानी लकडाउन समाप्त भएको अवधिले बढिमा ६ महिना सम्मका लागि समयावधि थप गर्नेछ।

Facebook Comments

अन्तिम अपडेट: २९ जेष्ठ २०७७, बिहीबार १०:४२

न्यूज अफ टोखा

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया

सम्बन्धित समाचार

​मिर्मिरे भवन समुद्घाटन सम्पन्न

  २३ मंसिर २०७७, मंगलवार १८:३९

​टोखा युवा बहुउद्देश्यीय सहकारीको उद्घाटन

  २९ कार्तिक २०७७, शनिबार १४:३२

​प्रधानमन्त्री निवासमै बन्यो हेलिप्याड

  २७ कार्तिक २०७७, बिहीबार १२:३८

समाचार

ad
ad
newsoftokha.com
ad