गुगल क्रोमका प्रयोगकर्तामाथि एक्सटेन्सनको माध्यमबाट जासुसी

 ५ असार २०७७, शुक्रबार ०७:४५   | सागर राज लवट

न्यूज अफ टोखा

गुगल क्रोमका प्रयोगकर्तामाथि तीन करोड २० लाखभन्दा बढी डाउनलोड भएको एक्सटेन्सनको माध्यमबाट जासुसी भएको खुलेको छ ।

अवेक सेक्युरिटीले गुगल क्रोमका प्रयोगकर्तामाथि भइरहेको जासुसी पत्ता लगाएको हो । गुगल क्रोमले आफ्नो ब्राउजरलाई यस्तो आक्रमणबाट बचाउन नसकेको शोधकर्ताहरुले बताएका छन् ।

मेल, पेरोल र अन्य संवेदनशील कामका लागि प्रयोग गरिने ब्राउजरलाई अल्फाबेटले बचाउन नसकेको उनीहरुको भनाइ छ । गत महिना शोधकर्ताहरुले चेतावनी दिएसँगै अल्फाबेटको गुगलले आधिकारिक वेब स्टोरबाट ७० हानिकारक विज्ञापन (एड)हरु हटाएको थियो । गुगलका प्रवक्ता स्कट वेस्टओभरले वेब स्टोरमा रहेका एक्सटेक्सनहरुले आफ्नो नीति पालना नगरेको पाइएसँगै उनीहरुलाई हटाउँदै त्यस्ता एक्सटेन्सनहरुलाई आगामी दिनमा रोक्ने गरी प्रणालीमा पनि सुधार गरिएको बताएका छन् ।

गुगल क्रोममा पाइने अधिकांश फ्रि एक्सटेन्सनहरुले प्रयोगकर्तालाई फरक फरक किसिमको फिचर्स दिने गरेका छन् । यसमध्ये धेरैजसो कुनै फाइललाई एक फरम्याटबाट अर्कोमा कन्भर्ट गर्ने फंगसन रहेको पाइएको थियो ।

अहिले भएको साइबर आक्रमणमा भने एक्सटेन्सनको माध्यमबाट प्रयोगकर्ताको ब्राउजिङ हिस्ट्रि र अन्य आन्तरिक सूचनाहरु चोरेको पाइएको छ । यस किसिमका सूचनाहरु राष्ट्रिय जासुसी तथा संगठित अपराधको लागि प्रयोग हुनसक्ने जानकारहरुले चेतावनी दिएका छन् ।

अहिलेसम्म यो आक्रमणमा कसको हात थियो भन्ने खुलेको छैन । एक्सटेन्सन निर्माताहरुले गुगललाई एक्सटेन्सन पठाउँदा गलत कन्ट्याक्ट सूचना दिएको अवेक सेक्युरिटीले बताएको छ ।

गुगलले भने अहिले भएको आक्रमण कसरी भयो भन्ने विषयमा कुनै जानकारी दिएको छैन । यसअघि पनि गुगल क्रोमबाट लाखौं प्रयोगकर्ताको सूचना चोरी भएको पाइएको थियो ।

स्रोत : रोयटर्स

Facebook Comments

अन्तिम अपडेट: ५ असार २०७७, शुक्रबार ०७:४५

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया