एमसीसीको विरोध नगर्ने देशभक्त होइन

७ असार २०७७, आईतवार ०८:३० | न्यूज अफ टोखा

न्यूज अफ टोखा

नेपाल मजदुर किसान पार्टीका अध्यक्ष नारायणमान बिजुक्छेँले अमेरिकी सहस्राब्दी परियोजना (एमसीसी) को विरोध नगर्नेहरू देशभक्त हुननसक्ने बताउनुभएको छ ।

शुक्रबार एबीसी टेलिभिजनको आउटलुक कार्यक्रममा सञ्चारकर्मी शुभशङ्कर कँडेलसँग नेपालको वाम आन्दोलन र समसामयिक विषयमा कुराकानी गर्दै उहाँले भन्नुभयो, “प्रधानमन्त्रीले एमसीसीको विषयमा एबीसीमात्र पढ्नुभयो, पूरा विवरण पढ्नुभएन । प्रमले एमसीसी अमेरिकी सैनिक रणनीति होइन भन्दै गर्दा अमेरिकी अधिकारीहरू मुसुमुुसु हाँसिरहेका छन् ।”

बिजुक्छेँले चीन र भारतबीच गलवन उपत्यकामा भएको द्वन्द्व भारतीय फासीवाद र चिनियाँ समाजवादबीचको वैचारिक सङ्घर्ष भएको बताउनुभयो । भारतीय शासक वर्गले नेपालले कुनै पनि अरू देशसँग सम्बन्ध राखोस् भनी नचाहेको प्रस्ट पार्दै उहाँले सन् १९६२ मा चीन र भारत युद्धको एउटा कारण नेपाल पनि भएको बताउनुभयो ।

नेपालको कम्युनिस्ट आन्दोलनबारे सोधिएका विभिन्न प्रश्नहरूको जवाफ दिने क्रममा अध्यक्ष बिजुक्छँेले नेपालको कम्युनिस्ट आन्दोलनको सुरूवाती चरण वैचारिक र सैद्धान्तिक स्पष्टताको आधारमा भन्दा भावनात्मक पक्ष बढी प्रबल भएको बताउनुभयो ।

“कम्युनिस्ट पार्टीका सदस्यहरूलाई माक्र्सवादबारे कममात्र थाहा थियो । जमिनमा मोहियानी हकजस्ता आर्थिक मुद्दामा बढी आन्दोलन केन्द्रित थियो”, उहाँले भन्नुभयो ।

एमाले र माओवादी केन्द्रबीच एकताबारे टिप्पणी गर्दै उहाँले पार्टी एकता सिद्धान्त र लक्ष्यको आधारमा हुनुपर्ने धारणा राख्नुभयो ।

उहाँले भन्नुभयो, “गलत एकताभन्दा सङ्घर्ष धेरै राम्रो कुरा हो ।”

मदन भण्डारीले प्रतिपादन गरिएको भनिएको जनताको बहुदलीय जनवाद प्रस्टतः संशोधनवादी विचार भएको चर्चा गर्दै अध्यक्ष रोहितले उहाँले बर्नस्टिनको संशोधनवादी विचारधारालाई नै मदन भण्डारीले जनताको बहुदलीय जनवादको रूपमा अघि सारेको बताउनुभयो ।

सरकारमा बहुमत हुँदैमा कम्युनिस्ट पार्टी आफ्नो लक्ष्यमा सफल नहुने बताउँदै बिजुक्छेँले कुनै बेला इटालीको कम्युनिस्ट पार्टी समाजवादी देशका कम्युनिस्ट पार्टीबाहेक सबभन्दा ठुलो कम्युनिस्ट पार्टी भएर पनि आफ्नो लक्ष्यमा सफल नभएको बताउनुभयो ।

“किनभने इटालीको कम्युनिस्ट पार्टी संशोधनवादी पार्टी थियो”, उहाँले प्रस्ट पार्नुभयो ।

“दोस्रो विश्वयुद्धपछि युरोपका धेरै देशमा कम्युनिस्ट पार्टी ठुला र बलिया थिए । तर, उनीहरूले समाजवाद स्थापना गर्नसकेनन् । किनभने उनीहरूले समातेको विचारधारा सही थिएन”, अध्यक्ष बिजुक्छेँले भन्नुभयो ।

कम्युनिस्ट आन्दोलनलाई बदनाम र असफल बनाउन कम्युनिस्ट पार्टीभित्रै प्रतिक्रियावादीहरू घुस्ने गरेको विभिन्न प्रस·हरूबारे उहाँले चर्चा गर्नुभयो ।

अध्यक्ष बिजुक्छेँले सत्तारूढ नेकपाभित्र प्रतिक्रियावादी हाबी भएको चर्चा गर्दै जिन्दगीभर कम्युनिस्ट पार्टीका कार्यकर्तालाई अनेक दुःख दिइरहेका प्रतिक्रियावादीहरू अहिले नेकपाका नेता भएको बताउनुभयो ।

Facebook Comments

अन्तिम अपडेट: ७ असार २०७७, आईतवार ०८:३०

न्यूज अफ टोखा

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । साथै हाम्रो अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

एमसीसीको विरोध नगर्ने देशभक्त होइन

न्यूज अफ टोखा

तपाईको प्रतिक्रिया

समाचार

भाषा, कला, संस्कृतिको संरक्षणका लागि सबै एकजुट बनौ : मन्त्री कृष्णगोपाल श्रेष्ठ

संसद विघटनविरूद्ध भीमार्जुन आचार्यले सर्वोच्चमा उठाएका पाँच प्रश्न

चुनाव गर्न ८ अर्ब बढी पैसा चाहिने आयोगको अनुमान

भारतमा कोरोना भ्याक्सिन लगाएका सयौंलाई देखियो साइड इफेक्ट

नयाँ प्रकारको कोरोना भाइरसले २०२१ झन् कठिन हुनेछ: डब्लूएचओ

प्रेस सङ्गठनको दोस्रो राष्ट्रिय भेला माघ ८ मा

घ्य चाकु संल्हुया महिमा

नेकपाका दुवै समूहले निर्वाचन आयोगमा जवाफ पठाए

१० वर्ष लगाएर बनाएकाे संविधान प्रधानमन्त्रीले अपहरण गर्नुभयाे : गगन थापा

ओलीलाई प्रचण्डकाे चुनाैती : ‘पार्टीले काम गर्न दिएन भनेर झुट नबाेल्नुस्, प्रमाण दिनुस्’

खोज्नुहोस्

उपयोगि लिंकहरु

एमसीसीको विरोध नगर्ने देशभक्त होइन

तपाईको प्रतिक्रिया

सम्बन्धित समाचार