भारतमा चि‌ङ्गारी एप चम्किदै

 २१ असार २०७७, आईतवार २१:२३   | न्यूज अफ टोखा

न्यूज अफ टोखा  

भारतले चिनियाँ सर्ट भिडियो एप ‘टिकटक’सहित ५९ स्मार्टफोन एपमाथि प्रतिबन्ध लगाएसँगै त्यसको फाइदा भारतीय एपलाई पुगेको छ ।

सरकारले यस्तो निर्णय गरेसँगै टिकटकको प्रतिस्पर्धी ‘चिङ्गारी’ एप डाउनलोड गर्नेको संख्या ह्वात्तै बढेको छ । चिङ्गारीका संस्थापकले मंगलबार यो एप प्रतिघण्टा १० लाखभन्दा बढीको दरले डाउनलोड भएको बताएका छन् ।

चिनियाँ एपमाथि प्रतिबन्ध लगाइएसँग भारतीय एप प्रतिस्पर्धीहरु खुसी भएका छन् । ‘चिङ्गारी’का संस्थापक सुमित घोषका अनुसार केवल ७२ घण्टामा भारतमा चिङ्गारी एप पाँच लाखपटकभन्दा बढी डाउनलोड भइसकेको उनले बताएका हुन् ।

भारतको निर्णयपछि यो एपको भ्युज पनि प्रतिघण्टा दुई लाख नाघेको घोषले बताए ।

भारतले चिनियाँ एपमाथि प्रतिबन्ध लगाउने निर्णय गरेसँगै चिङ्गारी एपले सरकारको निर्णयको स्वागत गर्दै सरकारले धन्यवाद व्यक्त गरेको थियो ।

भारतका प्रयोगकर्ताहरुलाई पनि टिकटकले सरकारको निर्णयबारे जानकारी गराउँदै एक म्यासेज देखाएको थियो । पछिल्लो समय चीन र भारतको बीचमा तनाव बढिरहेको अवस्थामा भारतले चिनियाँ एपलाई लक्षित गर्दै ५९ स्मार्टफोन एप प्रयोगमा रोक लगाउने निर्णय गरेको थियो ।

एजेन्सी

Facebook Comments

अन्तिम अपडेट: २१ असार २०७७, आईतवार २१:२३

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया