टोखा नगरपालिका कोरोना अपडेटः ७७ पोजेटिभ, २ को मृत्यु, २४ निको, ५१ सक्रिय संक्रमित

 ५ भाद्र २०७७, शुक्रबार १३:५९   | सुबिन्द्र श्रेष्ठ

टोखा, काठमाडौं । टोखा नगरपालिकामा आजसम्मको तथ्याङ्कअनुसार ७७ जनालाई कोरोना पोजेटिभ देखिएको छ । काठमाडौं जिल्लाभित्रको नगरपालिका मध्ये टोखा नगरपालिका दोस्रोमा पर्दछ ।

टोखा नगरपालिकाले आज सार्वजनिक गरेको सूचनामा अहिलेसम्म २ जना महिलाको मृत्यु भएको छ । मृत्यु हुनेमा टोखा न.पा वडा नं ६ र वडा नं ९ को महिला रहेका छन् । उनीहरु दुबै जनामा कोरोना पोजेटिभ देखिएको थियो । त्यस्तै संक्रमितमध्ये २४ जनालाई निको भएको छ भने ५१ जना सक्रिय संक्रमित रहेका छन् ।

टोखाको वडा नं. १० मा सबैभन्दा बढि संक्रमितको संख्या देखा परेको छ । त्यस्तै वडा नं. २ र वडा नं. ८ मा अहिलेसम्म संक्रमितको संख्या भेटिएको छैन ।

वडा नं ६ मा ११ जनालाई संक्रमण पुष्टि भएको छ । त्यस्तै वडा नं १ मा २ जना, वडा नं ३ मा ७ जना, वडा नं ४ मा ५ जना, वडा नं ५ मा ६ जना, वडा नं ७ मा ५ जना, वडा नं ९ मा ४ जना र वडा नं ११ मा ४ जनालाई संक्रमण देखिएको छ । नगरपालिकाको रहोबरमा परीक्षण गराउनेमध्ये १६ जना संक्रमित टोखा बाहिरका रहेका छन् ।

नगरपालिकाका अनुसार संक्रमित मध्ये २३ जना होम आइसोलेसनमा, २५ जना अस्पतालमा उपचार गराइरहेका छन् भने ३ जना संक्रमित सम्पर्कविहीन अवस्थामा छन् ।


टोखा नगरपालिकाले अहिलेसम्म १२०० भन्दा बढिको मानिसको पिसिआर परिक्षण गरिसकेको नगर स्वास्थ्य शाखा प्रमुख रनलाल कुलालले बताउनुभयो ।

Facebook Comments

अन्तिम अपडेट: ५ भाद्र २०७७, शुक्रबार १३:५९

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया