दुबई पुगेको राष्ट्रिय ध्वजावाहकलाई रित्तै फर्काएको सरकारले फेरि निजी वायुसेवालाई यात्रु ल्याउन दियो

 ५ भाद्र २०७७, शुक्रबार ०९:४०   | न्यूज अफ टोखा

सरकारले २ भदौ देखि सबै उद्धार तथा अन्तर्राष्ट्रिय हवाई उडान रोक लगाएको भएपनि नेपाली आकासमा हवार्ई उडान भने नियमित उडिरहेका छन्। कार्गो वा आकस्मिक उडानका नाममा दैनिक १५ वटासम्म उडान भइरहेको भएपनि विदेशमा अलपत्र नेपाली नागरिक भने नेपालमा नियमित हवाई उडान खुल्ने दिन पर्खेरै बस्न बाध्य छन्।


सरकारले उडानमा रोक लगाएको भए पनि ४ भदौ (बिहीबार) त्रिभुवन विमानस्थलमा एक निजी वायुसेवा हिमालय एयरलाइन्सले यात्रु उडान र अवतरण गरेको छ। हिमालयले बांग्लादेशको १२३ जना यात्रु बोकेर बिहान ९ बजे ढाका गएको छ भने उताबाट फर्कदा दिउँसो सवा १ बजे २४ जना यात्रु लिएर आएको छ।

त्रिभुवन विमानस्थलबाट बिहीबार ६ वटा उडान अवतरण भएको भएपनि हिमालयले मात्रै यात्रु उडान गरेको उल्लेख छ। विमानस्थल कार्यालयका अनुसार, नेपाल एयरलाइन्सले कुनमिङबाट कार्गो ल्याएको छ। निगमकै एक जहाज सुडान गएको छ। कम्बोडियाको लनमेइ एयरलाइन्स, श्रीलंकन एयरलाइन्स र कतार एयरले कार्गो उडान गरेको विमानस्थल कार्यालयले जानकारी दिएको छ।

नेपालबाट दुबई पुगिसकेको वायुसेवा निगम रित्तै आउन निर्देशन दिएको सरकारले विदेशी र निजी वायुसेवालाई भने उडान अनुमति दिएको छ । १ भदौ देखि १५ भदौसम्म दैनिक ५०० जना उद्धार उडानबाट ल्याउने निर्णय गरेको भएपनि कोभिड—१९को संक्रमण बढेको, विभिन्न स्थानीय तहले निषेधित क्षेत्र घोषणा गर्ने क्रम बढेको र क्वारेन्टिनको लागि होटल व्वस्थापन नभएको बाहानामा सरकारले भदौबाटै सबै हवाई उडान रोकेको थियो।

श्राेत हिमाल अनलाइन

Facebook Comments

अन्तिम अपडेट: ५ भाद्र २०७७, शुक्रबार ०९:४०

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया