कोरोना संक्रमित बढेपछि टोखा चण्डेश्वरी स्वास्थ्य केन्द्रलाई आइसोलेसन कक्ष बनाउने तयारी

६ भाद्र २०७७, शनिबार ११:३२ | न्यूज अफ टोखा

टोखा । कोरोना संक्रमित बढेसँगै टोखा नगरपालिकाले सम्भावित जोखिम कम गर्न नगरस्तरीय आइसोलेसन कक्ष तयार गर्ने गृहकार्य सुरु गरेको छ ।

कार्यपालिकाको बैठकले वडा नम्बर २ मा अवस्थित टोखा चण्डेश्वरी प्राथमिक स्वास्थ्य केन्द्रमा ३० देखि ४० बेडको आइसोलेसन कक्ष बनाउने निर्णय गरिएको थियो । उक्त बैठकको निर्णय अनुसार नै टोखा चण्डेश्वरी प्राथमिक स्वास्थ्य केन्द्र भवनलाई आइसोलेसन कक्ष बनाउने तयारी थालेको नगरका उप प्रमुख ज्ञानमाया डंगोलले न्यूज अफ टोखालाई जानकारी दिइन ।

उपप्रमुख डंगोलले न्यूज अफ टोखासँग भनिन्, ‘कार्यपालिकाको बैठकले निर्णय गरेअनुसार टोखा चण्डेश्वरी प्राथमिक केन्द्रमा तत्कालका लागि १७ आसोलेशन बेड बनाइएको छ । आवश्यक परे भेन्टिलेटर समेतको व्यवस्था गरिनेछ । संक्रमितको संख्या बढेसँगै सोही प्राथमिक केन्द्रमा आइसोलेशन विस्तार गरेर १०० बेड पुर्‍याउने तयारी भैरहेको छ ।’

कोरोना संक्रमित बढेमा उनीहरुलाई राख्नका लागि नगरपालिकाका वडाहरुमा रहेका सामुदायिक भवनहरु प्रयोगमा ल्याउने बारेमा गठित समितिले अध्ययन समेत गरिरहेको छ ।

कार्यपालिकाको बैठकबाट नगरपालिकाभित्र आइसोलेसन सेन्टर निर्माण तथा व्यवस्थापनका लागि उपप्रमुख ज्ञानमाया डंगोलको संयोजकत्वमा ९ सदस्यीय समिति समेत गठन गरिएको थियो ।

कोरोना संक्रमित बढेसँगै टोखा नगरपालिकाले आसोलेसनका लागि स्वास्थ्य केन्द्रको भवन प्रयोग गर्ने भएपछि उक्त स्वास्थ्य केन्द्रबाट दिदै आएको स्वास्थ्य सेवा भने हालका लागि २ वडाको कार्यालय भवन परिसरमा रहेको पुरानो इमरजेन्सी भवनबाट दिईने भएको छ । केही समयका लागि २ वडा कार्यालयको भवनबाट स्वास्थ्य सेवा दिइने २ वडा कार्यालयका तथा स्वास्थ्य केन्द्र व्यवस्थापन समितिका अध्यक्ष समेत रहेका दिपक राज जोशीले जानकारी दिए ।

आसोलेसन कक्ष बनाएसँगै सो स्वास्थ्य केन्द्रबाट दिदै आइरहेको प्रसुती सेवा अर्को सूचना जारी नभएसम्मका लागि बन्द गरिने भएको छ । उक्त स्वस्थ्य केन्द्रमा नियमित स्वास्थ्य परीक्षण गराइरहेका गर्भवती महिलाहरु प्रसुतीका लागि आएमा स्वास्थ्य केन्द्रको समन्वयमा नजिकको अस्पतालमा रिफर गरिने उप प्रमुख डंगोलले बताइन ।

उक्त नव निर्मित आसोलेसन कक्ष शनिवार दिउँसो ३ बजे उद्घाटन गरिने बुझिएको छ ।

टोखा नगरपालिकामा दिनहुँ संक्रमितको संख्या तिव्ररुपमा बढ्दै गएको छ । शुक्रबार मात्रै टोखा नगरपालिकामा १२ जना संक्रमित थपिएका छन् । योसँगै टोखा नगरपालिकामा कोरोना संक्रमितको संख्या ९२ पुगेको छ । हाल सक्रिय संक्रमित ६६ जना रहेको नगर स्वास्थ्य शाखाका प्रमुख रणलाल कुलालले बताए ।

शुक्रबार थपिएका संक्रमितहरुमा ३ वडामा २, ५ वडामा १, ६ वडामा १, ९ वडामा १, १० वडामा ४, ११ मा १ जना रहेका छन् भने २ जना सम्पर्क विहिन रहेको शाखाले जनाएको छ ।

उपत्यकालगायत देशभरमै संक्रमतिको संख्या बढेसँगै आसोलेसन बेडको आभाव हुन थालेको छ ।

Facebook Comments

अन्तिम अपडेट: ६ भाद्र २०७७, शनिबार ११:३२

न्यूज अफ टोखा

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । साथै हाम्रो अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

कोरोना संक्रमित बढेपछि टोखा चण्डेश्वरी स्वास्थ्य केन्द्रलाई आइसोलेसन कक्ष बनाउने तयारी

न्यूज अफ टोखा

तपाईको प्रतिक्रिया

समाचार

नेकपा टोखा नगर कमिटीको अगुवा कार्यकर्ता भेला सम्पन्न

आरोप पत्र फिर्ता लिएर निर्वाचनमा जान प्रतिवद्धता जनाए पार्टी एकता हुन सक्छ – उप प्रधानमन्त्री पोखरेल

टोखा नगर कमिटी नेकपा (केपी ओली समूह)को अगुवा कार्यकर्ता भेला जारी

एघारौं नेवाः एकता दिवस सम्पन्न, नेवा: समुदायको सबै अधिकारका लागि एक ढिक्का भएर अगाडी बढ्ने प्रतिबद्धता

‘आज अलिअलि मान्छे जम्मा गरेछन्, २३ गते हामी पनि देखाउँछौ‌’

ओली समूहसँग सहकार्य गर्ने पक्षमा देउवा

‘ओलीलाई तीन वर्षमा पनि तह लगाउन सकिएन’: प्रचण्ड

ओलीलाई सडकबाटै परास्त गर्ने प्रचण्ड–माधव पक्षको उद्घोष, सडकमा आउन निम्ता !

केपी ओली नेपाली संस्करणका हिटलरी नाजीवादी हुन्–माधव नेपाल

पूर्वमाओवादी नेताप्रति अध्यक्ष दाहालको कटाक्ष– भगौडाहरूले बढी खरानी घसे

खोज्नुहोस्

उपयोगि लिंकहरु

कोरोना संक्रमित बढेपछि टोखा चण्डेश्वरी स्वास्थ्य केन्द्रलाई आइसोलेसन कक्ष बनाउने तयारी

तपाईको प्रतिक्रिया

सम्बन्धित समाचार