नेपालमा एकैदिन थपिए १ हजार ४५४ जना काेराेना सङ्क्रमित

 २६ भाद्र २०७७, शुक्रबार १८:११   | न्यूज अफ टोखा

न्यूज अफ टोखा, काठमाडौँ। नेपालमा कोरोना भाइरसका सङ्क्रमितको सङ्ख्या ५१ हजार नाै सय १९ पुगेकाे छ । गएको २४ घण्टामा एक हजार चार सय ५४ जनामा कोरोना भाइरसकाे सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएको छ ।

एकैदिन काेराेना भाइरसकाे सङ्क्रमण पुष्टि हुने याे सङ्ख्या अहिलेसम्मकै धेरै हाे ।

पछिल्लाे २४ घण्टामा १० हजार सात सय एक जनाकाे पीसीआर विधिमार्फत परीक्षण गर्दा एक  जनामा काेराेनाकाे सङ्क्रमण देखिएकाे हाे । यस्तै गएको २४ घण्टामा नाै सय ७२ जना कोरोना सङ्क्रमित निको भएर घर फर्किएसँगै डिस्चार्ज हुनेकाे सङ्ख्या ३६ हजार ६ सय ७२ पुगेको छ ।  

अब नेपालमा १४ हजार नाै सय २५ जना सक्रिय सङ्क्रमित आइसाेलेशनमा रहेका छन् । तीमध्ये एक सय ७० जना आईसीयू र २५ जनाकाे भेन्टिलेटरमा उपचार भइरहेकाे छ । 

यस्तै ६ हजार ७८ जना क्वरेण्टीनमा रहेकाे मन्त्रालयले जनाएको छ । 

यस्तै गएको २४ घण्टामा  पाँच जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या तीन सय २२ पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो । 

Facebook Comments

अन्तिम अपडेट: २६ भाद्र २०७७, शुक्रबार १८:११

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया