गणेशमान सिंहको सम्झनामा रक्तदान

 २७ भाद्र २०७७, शनिबार १९:०९   | सुबिन्द्र श्रेष्ठ

न्यूज अफ टोखा, काठमाडौं । नेपाली कांग्रेस टोखा नगरपालिका–१०, काठमाडौंको आयोजनामा
नेपाली कांग्रेसका संस्थापक नेता एवम् २०४६ को जनआन्दोलनका कमाण्डर तथा लौहपुरुष स्वर्गीय गणेशमान सिंहको २३ औँ स्मृति दिवसको अवसरमा सामाखुसीमा रक्तदान कार्यक्रम सम्पन्न भएको छ।

नेपाली कांग्रेसका काठमाडौं जिल्ला सभापति कृष्ण सबुज बाँनियाको प्रमुख आतिथ्यमा शनिवार सामाखुशीमा रहेको स्काई पार्टी प्यालेसमा आयोजित उक्त कार्यक्रममा स्वर्गीय गणेशमान श्रेष्ठको तस्वीरमा माल्यार्पण गरि कार्यक्रमको उद्घाटन गरिएको थियो ।

कोरोना महामारीको समयमा रगतको अभाव हुँदा उपचारमा कठिनाई भैरहेकोले नेपाल रेडक्रस सोसाइटीसंगको समन्वयमा उक्त रक्तदान कार्यक्रमको आयोजना गरिएको टोखा नगरपालिका–१० का इकाई सभापति तेज प्रसाद सेढाइले बताए ।

नेपाली कांग्रेस टोखा नगरपालिका–१०, काठमाडौंको आयोजना तथा नेपाल तरुणदल काठमाडौं जिल्ला सदस्य एवं प्रशिक्षण विभाग प्रमुख तथा युवा नेता दिपक थापाको संयोजकत्वमा शनिबार उक्त कार्यक्रम भएको हो।

रक्तदान कार्यक्रममा नेपाली कांग्रेस बागमती प्रदेशका सभासद् जीवन डंगोल, नेपाली काँग्रेस तारकेश्वर नगरपालिका सभापति श्रीकृष्ण थापा, नेपाल रेडक्रस काठमाडौं जिल्ला उप–सभापति कमल नकर्मी समेतको उपस्थित थिए।

उक्त कार्यक्रममा ७० जनाले रक्तदान गरेको थियो।

Facebook Comments

अन्तिम अपडेट: २७ भाद्र २०७७, शनिबार १९:०९

सुबिन्द्र श्रेष्ठ

तपाईको प्रतिक्रिया

सम्बन्धित समाचार

​बिस्का: जात्रा नरोक्न सर्वोच्चको अन्तरिम आदेश

  २५ चैत्र २०७७, बुधबार १८:४९

​टोखा नगरपालिकामा ६४ औं राष्ट्रिय सहकारी दिवस मनाइयो

  २१ चैत्र २०७७, शनिबार ०८:३८

​शनिबार सडक खाना महोत्सव तथा हस्तकला सामाग्री प्रदर्शनी हुने

  १९ चैत्र २०७७, बिहीबार २१:०१

समाचार