डा. केसीको स्वास्थ्य जटिल बन्दै

 १५ आश्विन २०७७, बिहीबार १२:०३   | न्यूज अफ टोखा

न्यूज अफ टोखा, काठमाडौँ । अनशनरत डा. गोविन्द केसीको स्वास्थ्य अवस्था खस्कँदै गएको छ । उनी ६ बुँदे माग राखेर १७ दिनदेखि अनशनरत छन् । उपचारमा संलग्न मेडिकल टिमद्वारा जारी पछिल्लो स्वास्थ्य बुलेटिनअनुसार उनलाई धड्कन गडबड, छाती दुखाइ, थकाइ, चक्कर आउनेलगायतका समस्या देखिएको छ ।


तस्बिर : सोलिडारिटी फर प्रोफेसर गोविन्द केसी

डा. केसीको रगतमा ग्लुकोजको मात्रा धेरै कम छ भने ‘सिरम इलेक्ट्रोलाइट्स’ समेत गम्भीर रूपमा घटेको छ । रगतमा सेतो रक्त कणिकाको संख्या कम भएकाले संक्रामक रोगको जोखिम उच्च छ । जुम्लामा १९ औं सत्याग्रह थालेका डा. केसी ८ दिनअघि त्रिवि शिक्षण अस्पताल महाराजगन्ज भर्ना भएका हुन् ।

नेपाल चिकित्सक संघले अनशनरत डा. केसीको जीवनरक्षा गर्न सरकारसँग आग्रह गरेको छ । संघले वार्ताका लागि सहजीकरण गर्न तयार रहेको जनाउँदै सरकारसँग वार्ता टोली गठन गर्न पनि माग गरेको छ । संघले बुधबार विज्ञप्ति जारी गर्दै सार्थक वार्ता गरी समस्याको यथाशीघ्र समाधान निकाल्नुपर्नेमा जोड दिएको छ ।

१८ पटकसम्मको सत्याग्रहका बेला भएका सम्झौता कार्यान्वयनकै माग डा. केसीले उठाएकाले ती सरकारकै अंगका रूपमा स्थापित भइसकेको संघले जनाएको छ । गुणस्तरीय स्वास्थ्य सेवा र चिकित्सा शिक्षामा नागरिकको सहज पहुँचका लागि गरिएको सत्याग्रहको मर्मलाई सम्मान गर्न पनि संघले सरकारलाई आग्रह गरेको छ । कान्तिपुर दैनिकमा समाचार छ ।

Facebook Comments

अन्तिम अपडेट: १५ आश्विन २०७७, बिहीबार १२:०३

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया