खेलकुद गतिविधि सञ्चालन गर्न स्वीकृति

 २८ कार्तिक २०७७, शुक्रबार ११:०७   | न्यूज अफ टोखा

२७ कात्तिक, काठमाडौं । नोवेल कोरोना भाइरस (कोभडि–१९) का कारण बन्द रहेका खेल गतिविधि सञ्चालन गर्न पाइने भएको छ । सोमबार बसेको मन्त्रिपरिषद् बैठकले फुटबल, क्रिकेट, बास्केट बल लगायतका खेल गतिविधि गर्न खुल्ला गरिएको सञ्चार तथा सूचना प्रविधि मन्त्री पार्वत गुरुङले जानकारी दिए ।

मन्त्री गुरुङका अनुसार स्वास्थ्य तथा सुरक्षा लगायतका मापदण्ड पालना गरेर निम्न खेल गतिविधि गर्न अनुमति दिइएको छ :

–ओलम्पिक खेलकुदमा सहभागिताका लागि छनौट हुने खेलका प्रशिक्षण सुचारु गर्न

–फुटबल–क्रिकेट लगायतका खेलहरू अन्तर्राष्ट्रियस्तरमा सहभागिता जनाउन

–मैत्रीपूर्ण खेलहरू आयोजना गर्न

–स्थगित रहेका फुटबलका डिभिजन खेलहरू सञ्चालनको तयारी गर्न

–विभिन्न खेल संस्थाहरूमार्फत आयोजना हुने राष्ट्रिय तथा अन्तर्राष्ट्रिय खेलहरूमा सहभागिताका लागि प्रशिक्षण लगायत तयारी गर्न

–खेल संघहरूको गतिविधि सञ्चालन गर्न/गराउन ।

सरकारले गत चैतदेखि समूहमा खेलिने खेलकुद गतिविधि सञ्चालनमा रोक लगाएको थियो ।

Facebook Comments

अन्तिम अपडेट: २८ कार्तिक २०७७, शुक्रबार ११:०७

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया