न्हूजः पुस्तकालयद्वारा ‘अक्सिजन बैंक’ स्थापना, आकस्मिक रुपमा अक्सिजन चाहिएमा फोन गर्नुस्

 १० मंसिर २०७७, बुधबार १७:२९   | न्यूज अफ टोखा

काठमाडौँ ।  हिउँदसँगै बढ्ने स्वासप्रस्वास सम्बन्धी रोग र बढ्दो कोभिड १९ को संक्रमित बिरामीको उपचारका लागि आवश्यक अक्सिजन सहुलियत मूल्यमा प्रदान गर्ने उद्देश्यले टोखामा ‘अक्सिजन बैंक’ स्थापना गरिएको छ ।

न्हुजः पुस्तकालले कोरोना सङ्क्रमित तथा स्वासप्रस्वास सम्बन्धी रोग भएका बिरामीको उपचारका लागि आवश्यक अक्सिजन सहज र सहुलियत मूल्यमा प्रदान गर्न कृत्रिम अक्सिजनसहित सिलिन्डर ‘अक्सिजन बैंक’ स्थापना गरेको न्हुजः खलः (पुस्तकालय)का महासचिव बिकास डंगोलले बताए । 

 कोभिडको महामारीको समयमा अक्सिजनको अभावमा गम्भीर प्रकृतिका विरामीहरुको उपचारमा समस्या भएको अवस्थामा अक्सिजन बैंकको स्थापनाले धेरैलाई राहत मिल्ने उनले बताए ।

अहिलेको अवस्थामा टोखाबासी अधिकांशले बालाजुबाट अक्सिजन ल्याउने गरेको छ । कोरोना संक्रमित बिरामीहरुलाई लक्षित गरी अक्सिजन बैंकको स्थापना गरिएको भएपनि स्वासप्रस्वासका बिरामीहरुलाई समेत सहुलियत मूल्यमा अक्सिजन प्रदान गरिने छ ।  यसले समय र पैसा दुबैको बचत हुने र  बिरामीको उपचारका लागि बैंकबाट ठूलो राहत मिल्ने विश्वास लिइएको उनले बताए ।    

कसैलाई आकस्मिक रुपमा अक्सिजन चाहिएमा हटलाइन नम्बर ९८४१५४४९९५ र  ९८४३६८४२३४  मा चौबीसै घण्टा सम्पर्क गर्न सकिने महासचिव डंगोलले जनाएको छ ।

Facebook Comments

अन्तिम अपडेट: १० मंसिर २०७७, बुधबार १७:२९

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया