कांग्रेसलगायत दलहरुले संस्थागत धारणा तय गर्दै, आजको बैठकले थप स्पष्ट गर्ने तयारी

 ७ पुष २०७७, मंगलवार १२:५४   | न्यूज अफ टोखा

काठमाडौं – राष्ट्रपति विद्यादेवी भण्डारीले संसद विघटनको घोषणा गर्नुभएलगत्तै नेपालको राजनीतिक वृत्तमा तरंग पैदा भएको छ ।

संसद विघटनसँगै राष्ट्रपति भण्डारी र प्रधानमन्त्री केपी शर्मा ओलीको अहिले तिव्र विरोध भैरहेको छ । यो कदमलाई सत्तारुढ दल नेकपा र अरु दलका नेताहरुले असंवैधानिक भनिरहेका छन् । संसद विघटनको विरोधमा रहेका प्रमुख प्रतिपक्षी दल नेपाली कांग्रेसलगायत दलहरुले यसबारे संस्थागत धारणा तय गर्न बैठक आह्वान गरेका छन् । 

प्रमुख प्रतिपक्षी नेपाली कांग्रेसले दिउँसो १ बजेका लागि केन्द्रीय कार्यसमिति बैठक बोलाएको छ । बैठकमा संसद विघटनको घोषणापछि कांग्रेसको उपस्थितिबारे छलफल हुने प्रवक्ता विश्वप्रकाश शर्माले जानकारी दिनुभयो । कांग्रेसले यसअघि नै प्रधानमन्त्री ओली र राष्ट्रपति विद्यादेवी भण्डारीको असंवैधानिक कदमबारे कडा प्रतिवाद गर्ने यसअघि नै बताइसकेका छन् । 

पछिल्लो राजनीतिक घटनाक्रमबारे हिजो सर्वदलीय बैठक बोलाएर छलफल गरेको थियो । सर्वदलीय बैठकमा नेकपाका अध्यक्ष पुष्पकमल दाहाल प्रचण्डले सभापति शेरबहादुर देउवालाई मिलेर अगाडि बढ्न प्रस्ताव राख्नु भएको थियो । देउवाले आजको बैठकपछि मात्रै आफ्नो धारणा सार्वजनिक गर्ने बताउनु भएको छ । 

यस्तै आज जनता समाजवादी पार्टीले पनि आज छलफल गर्दै छ । आजको केन्द्रीय कार्यकारिणी समितिको बैठक बोलाइएको र बैठकले विरोधका थप कार्यक्रम तय गर्ने जसपाले जनाएको छ । संसद विघटनको कदमविरूद्ध प्रदर्शन गर्ने निर्णय गरेको जसपाले तप कार्यक्रम तय गर्न बैठक बस्न लागेको नेताहरुले बताएका छन् ।

राष्ट्रिय प्रजातन्त्र पार्टीको केन्द्रीय कार्य सम्पादन समितिको बैठक आज  पनि बस्दै छ । बिहान ११ बजे बानेश्वरमा बस्ने बैठकमा पार्टीका अध्यक्ष कमल थापा, डाक्टर प्रकाशचन्द्र लोहनी र पशुपति शमशेर राणा हिजोको बैठकमा प्रस्तुत गर्नुभएको प्रतिवेदनमाथि आज छलफल हुने राप्रपाले जनाएको छ । 

संसद विघटन गर्ने प्रधानमन्त्री ओलीको कदम अलोकतान्त्रिक भएको निष्कर्षसहित राप्रपाले सर्वत्र आलोचनासहितको सरकारको निरन्तरताभन्दा ताजा जनादेशमा जाने कदम चाँही स्वागतयोग्य रहेको जनाएको स्पष्ट पारिसकेको छ । यसैबारे आजको बैठकले थप निर्णय गर्ने राप्रपाका नेता मोहन श्रेष्ठले उज्यालोलाई जानकारी दिनुभयो ।

Facebook Comments

अन्तिम अपडेट: ७ पुष २०७७, मंगलवार १२:५४

न्यूज अफ टोखा

तपाईको प्रतिक्रिया

सम्बन्धित समाचार

​संगठन विस्तार र परिचालन तिव्र बनाउदै नेकपा काठमाडौं क्षेत्र नं ५

  १३ फाल्गुन २०७७, बिहीबार ११:४३

​१३ दिनभित्रै संसद् बैठक आह्वान हुन्छ : प्रदीप ज्ञवाली

  १२ फाल्गुन २०७७, बुधबार १६:४०

​संसद पुनर्स्थापना गर्ने सर्वोच्चको फैसला पूर्णपाठ

  ११ फाल्गुन २०७७, मंगलवार २०:३९

समाचार