कोरोनाको नयाँ प्रकारले बढायो संसारभरीको चिन्ता, डब्ल्यूएचओको नयाँ बयान

 ७ पुष २०७७, मंगलवार २०:२१   | न्यूज अफ टोखा

बेलायतमा भेटिएको कोरोनाभाइरसको नयाा प्रकारले संसारभरीको चिन्ता बढाइरहेको छ । थुप्रै देशले बेलायतमा यात्रा प्रतिबन्ध लगाइदिएको छ । 

४० बढी देशले बेलायतबाट कसैलाई पनि आउन रोक लगाएको छ । यसैबीच युरोपेली संघले एक साझा नीति बनाउनेबारे छलफल गरिरहेको छ । 

डेनमार्कमा पनि कोरोनाको नयाँ प्रकार भेटिएको छ । तत्पश्चात् स्विडेनले डेनमार्कबाट यात्रा प्रतिबन्ध लगाइदिएको छ । 

भाइरसको नयाँ स्टेन बढी संक्रामक छ तर यो बढी घातक छ भन्ने प्रमाण भने हालसम्म भेटिएको छैन । 

एकातिर बेलायतमाथि यात्रा प्रतिबन्ध लगाउने देशको सूची बढ्दै छ भने अर्कोतर्फ विश्व स्वास्थ्य संगठनले नयाँ प्रकारको खतराको विषयमा महत्वपूर्ण कुरा गरेको छ । 

डब्ल्यूएचओ इमर्जेन्सी चीफ माइक रायनले महामारीको फैलावटको क्रममा नयाँ स्ट्रेन भेटिनु सामान्य कुरा बताउँदै यो अनियन्त्रित भने नभएको बताएका छन् । जबकी आइतबार बेलायतका स्वास्थ्य सचिव म्याट हेनककले नयाँ प्रकारका लागि अनियन्त्रित शब्दको प्रयोग गरेका थिए । 

 थुप्रै देशले दक्षिणी अफ्रिकाबाट आउने मानिसहरुमाथि पनि प्रतिबन्ध लगाइरहेको छ । वास्तवमा त्यहाँ पनि भाइरसको अर्को एउटा भेरियेन्ट भेटिएको छ जुन बेलायतमा भेटिएको भेरियन्टभन्दा भिन्न छ । 

Facebook Comments

अन्तिम अपडेट: ७ पुष २०७७, मंगलवार २०:२१

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया