पूर्वमाओवादी नेताप्रति अध्यक्ष दाहालको कटाक्ष– भगौडाहरूले बढी खरानी घसे

 ९ माघ २०७७, शुक्रबार १८:२०   | न्यूज अफ टोखा

काठमाडौं । दाहाल–नेपाल समूहको नेकपाका अध्यक्ष पुष्पकमल दाहालले ओली पक्षमा गएका पूर्व माओवादीका नेताहरूले बढी खरानी घसेको बताउनुभएको छ ।

प्रतिनिधिसभा विघटनविरुद्ध शुक्रबार काठमाडौंमा आयोजना गरिएको विरोध सभामा बोल्दै उहाँले केपी ओलीका साइबर सेनाभन्दा भगौडाहरूले बढी खरानी घसेको देख्दा अचम्म लागेको बताउनुभयो ।

‘उहाँहरुले धेरै खरानी घस्नुभएको छ,’ ओली समूहमा गएका पूर्व माओवादी नेताहरूतर्फ संकेत गर्दै उहाँले भन्नुभयो, ‘ओलीका समर्थकले भन्दा पनि तल्लो स्तरमा झरेर टिप्पणी गरेको देख्दा अचम्ममा परेको छु ।’

मन्त्री पद पाएपछि पूर्व माओवादीबाट गएका मणिचन्द्र थापा, टोपबहादुर रायामाझी लगायतका नेताहरूले दाहालको खुलेर आलोचना गरेका थिए ।

Facebook Comments

अन्तिम अपडेट: ९ माघ २०७७, शुक्रबार १८:२०

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया