एघारौं नेवाः एकता दिवस सम्पन्न, नेवा: समुदायको सबै अधिकारका लागि एक ढिक्का भएर अगाडी बढ्ने प्रतिबद्धता

 १० माघ २०७७, शनिबार १०:५४   | सुबिन्द्र श्रेष्ठ

काठमाडौं। फाष्ट ट्रयाकको अन्तिम बिन्दु पुरानो ऐतिहासिक, मौलिक एवं सांस्कृतिक नगर खोकनामा पुगेर नेवा:आन्दोलनका अग्रजले नेवा: समुदाय आफ्नो सबै अधिकारका लागि एक ढिक्का भएर अगाडी बढ्ने प्रतिबद्धता प्रकट गरेका छन्।

विभाजनबाट अधिकारको आन्दोलन कमजोर बन्ने हुँदा एकतामा जोड दिंदै एघारौ नेवाः एकता दिवसका अवसरमा यस्तो प्रतिवद्दता प्रकट गरेका हुन्। एघारौ नेवाः एकता दिवस ऐतिहासिक सांस्कृतिक नगर खोकनाको खुदोलमा वृहत रुपमा मनाइएको हो ।

ने.सं. ११४१ पोहेलाथ्व नवमी (माघ ९ गते) शुक्रवार काठमाडौँ उपत्यका लगायत विभिन्न जिल्लाका नेवा: समुदाय आवद्ध संघ सस्था र प्रतिनिधिहरुको सहभागितामा सफलताकासाथ दिवस मनाइएको छ ।

नेवाः देय् दबूका अध्क्षय तथा एघारौ नेवाः एकता दिवसका संयुक्त संयोजन समुह समेतका अध्क्षय नरेश ताम्राकारको सभापतित्वमा नेवाः एकता दिवस कार्यक्रममा राष्ट्रिय गान, नेवाः राष्ट्रिय गान, नेवाः संयुक्त गानको प्रस्तुतबाट सुभारम्भ गरिएको थियो ।

सडक विस्तार, फास्ट ट्र्याक लगायतका सामाजिक मुद्दादेखि लिएर नेवाः स्वायत्त राज्यसम्मको राजनीतिक एजेन्डालाई पनि सशक्त ढङ्गले उठाउँदै नेवाः आन्दोलनलाई अघि बढाउने ताम्राकारले बताए।

‘नेवाः भूमिमा नेवाःलाई विभिन्न विकासे योजनाको नाममा विस्थापित गरिँदैछ, नेवाः बस्ती, नेवाः सम्पदा मास्न राज्य लागिपरेको देखिन्छ,’ ताम्रकारले भने, ‘अब अलग अलग मुद्दामा संघर्षरत समूहहरु एकै ठाउँमा भेला भई एकिकृत रुपमा आन्दोलन हुनेछ।’

सरकारले खोकनाका ऐतिहासिक सम्पदा, इतिहास मास्दै बिना मुवब्जा विस्तापित बनाउन लागिएको फास्ट ट्र्याकविरुद्ध भइरहेको खोकनाबासीको आन्दोलनमा ऐक्यवद्धता जनाउँदै खोकनामै गएर नेवाः एकता दिवस मनाइएको नेवा : आन्दोलन अग्रजले बताए ।

नेवाः एकता दिवसको व्यवस्थापन समुहका अध्क्षय नेपाल डंगोलले स्वागत मन्तव्य राखेका थिए।

फाष्ट ट्रयाक परियोजनाका नाउँमा खोकनासंगै जोडिएको मौलिकता , इतिहास र सस्कृतिलाइ ध्वस्त बनाउने एतिहासिक पुरानो सहर कुरुप बनाउने योजना अनुसार सरकारले दस भन्दा धेरै परियोजना ल्याउन लागेको डंगोलले दावी गरे ।

डंगोलले खोकना नगर भित्र रहेका गुथिं त्यहा रहेको भुमिको परिचय दिदै उपस्थत सबैलाई आफ्नो अधिकारका लागि एक धिक्का हुन आग्रह गरे।

कार्यक्रममा नेवाः अग्रज पूर्व मन्त्री तीर्थराम डंगोल तथा अर्का अग्रज पुर्व राज्यमन्त्री दिलीप महर्जन, विभिन्न जातीय नेवाः समुदाय, नेवाः आन्दोलनका अग्रज ,संघ सस्थाका सबै समूह आवद्द सबैले नेवार समुदाय एक ढिक्का भएर अगाडी बढ्ने प्रतिबद्धता जनाए ।

कार्यक्रममा विभिन्न सांस्कृतिक प्रस्तुतिका साथै परम्परागत धुँन्या ब्वज्या प्रस्तुति , लाखे नाच , परम्परागत खाना र खाजाका स्टलसमेत राखिएका थिए।

Facebook Comments

अन्तिम अपडेट: १० माघ २०७७, शनिबार १०:५४

न्यूज अफ टोखामा प्रकाशित कुनै समाचारमा तपाईंको गुनासो भए हामीलाई newsoftokha@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ ।  साथै हाम्रो  अनलाइन टिभी टोखा दर्शनका साथै हामीसँग तपाईं फेसबुक र ट्विटरमा पनि जोडिन सक्नुहुन्छ ।

 

तपाईको प्रतिक्रिया